Temperaturstigning

Posted den desember 13, 2008 av fjellutsikter
+5 grader, men frisk bris (søraust) gjer at det kjennest kaldt. Lett overskya. Den turre vinden får snøen til å fordampe. Dette dreg varme frå snødekket, som vert verande fast og turt, trass varmegradene.
Posta under Vêr | Kommenter innlegget

Søraust bris

Posted den desember 13, 2008 av fjellutsikter
+2 grader, laber bris frå søraust, skya, relativt høge skyer med litt mandelform, rukleskyer og bukleskyer. Enno litt blå himmel i søraust. Dei nedste skyene dreg frå sør eller sørvest, dei øvste frå vest eller sørvest. Litt rennefok på fjelltoppane. Lufttrykket har minka, men flata ut.
Posta under Vêr | Kommenter innlegget

Fullmåne

Posted den desember 12, 2008 av fjellutsikter
Var ute i måneskinet i kveld. Ser skogen og snøen i svart/kvit, men månen står høgt og gir skuggar og konturar, og glitrande snøkrystallar. Det er fint å gå på ski. Over 300 moh. er der gode skiløyper, og pulversnø utanfor. Ti kuldegrader inne på Vaksvikfjellet. Nede i Hatlen er det tre kuldegrader, men lett bris er nok til at det kjennest kaldt.
Når månen er full står han motsett av sola. Månen fylgjer nær same bana som sola, og fullmånen står lengst mogeleg unna sola. Det vil seie der sola står om seks månader, 12. juni. På grunn av avviket mellom månebana og solbana står månen for tida høgare enn sola står 12. juni, og også høgare enn sola står 21. juni, når ho står høgast. Månen flyttar seg 13 gongar fortare enn sola i høve til stjernehimmelen. I morgon skal altså månen stå der sola står 25. juni, etter denne forenkla regelen. Seinare kjem månen lågare på himmelen, attåt at han minkar.
Når vi ser på månefasane er det farta månen gjer i høve til sola som tel. Når sola flyttar seg ei viss lengde, og månen flyttar seg 13 tilsvarande lengder, då har månen distansert sola med 12 slike lengder (13-1). Månen si fart i høve til sola er 12 gongar så stor som sola si fart i det årlege rundsvivet. Då vert det 12 månader i eit år.
Posta under Astronomi | Kommenter innlegget

Forbigåande lettskya

Posted den desember 12, 2008 av fjellutsikter
Tre kuldegrader og klart. Lett bris frå søraust.
I går kveld skya det til med høge tynne skyer frå søraust, og seint på kvelden viste det seg ein stor ring rundt månen. Typisk slørskyer. Desse såg ut til å dekke himmelen.
I dag tidleg var det delvis skya med høge skyer, som etter kvart vart færre.
Inne på høgda (Vaksvikfjellet) ved overgangen til Tresfjorden var det -7 grader, som fort sakk til -9. Der er eit flatt og ope terreng som kaldlufta legg seg i. Skogen hindrar denne kulden i å bli effektivt drenert ned gjennom dalen til Vaksvika.
Posta under Vêr | Kommenter innlegget

Skyfritt

Posted den desember 11, 2008 av fjellutsikter
Klart og kaldt. Svak vind til lett bris frå aust. Tre kuldegrader, -5 før middag. Inne ved overgangen til Tresfjorden var det -10 om målaren der er truverdig.
Posta under Vêr | Kommenter innlegget

Stormar i desember

Posted den desember 10, 2008 av fjellutsikter
I desember bles det mykje. I ein gjennomsnitts desember månad når vinden på Svinøya full storm 2-3 av dagane. Sterk storm i desember førekjem om lag tredje kvart år, men det kjem i snitt to slike i desse månadane, sidan det fort kjem fleire stormar i urolege tider. Vindstyrken orkan førekjem i middel kvart sjette år.
Det er enda oftare full storm i desember enn det er i november, og frekvensen av stormar aukar litegrann utover i desember. Styrken i stormane vert også større. Sjansen for sterk storm er dobbelt så stor seint i desember i høve til tidleg i månaden.
Stormar heng saman med skyer og nedbør. Vinden kjem oftast frå ein sektor mellom sør og vest. I desember heng stormane også saman med høge lufttemperaturar. Dei dagane vindstyrken når full storm ligg temperaturen i middel over to grader over normalen. Over land er dette avviket større, fordi dei fleste stormane fører mild havluft inn over land, og fordi stormar gir omrøring i lufta, og skyer som dempar den langbylgja utstrålinga av varme.
Den gjennomsnittlege vindstyrken på Svinøya i desember har auka litt gjennom femti år. I perioder med milde vintrar, slik som rundt 1990 og tidleg på 1970-talet, har det vore fleire desemberstormar enn elles. I desember har kulden etablert seg i dei kalde stroka i Arktis og inne på kontinenta. Sjølv om det er mildt i våre område finst det nok av kulde andre stader til å lage dei temperaturmotsetnadene som driv stormane.
På Vigra har utviklinga gått motsett retning i høve til Svinøya. Vinden i desember har minka gjennom femti år. Slik som i dei andre månadane i året. Her er det nok tilvekst av skog og bygningar som gjer utslag.
Posta under Klima | Kommenter innlegget

Klart

Posted den desember 10, 2008 av fjellutsikter
Klar himmel, fem kuldegrader, flau vind. Eit tynt skydekke til havs, heilt klart over land. Tidleg i dag var det to kuldegrader.
Posta under Vêr | Kommenter innlegget

Opplett

Posted den desember 9, 2008 av fjellutsikter
To varmegrader, frost i snødekket, som er isete og turt. Skya, berre skyer over fjelltoppane. Aukande vind, laber bris frå søraust no i ettermddag, svak vind før middag. Om føremiddagen dreiv dei låge skyene frå sørvest medan fjørskyene dreiv frå nordvest. Dette brukar vere eit teikn på komande vestavêr.
Posta under Vêr | Kommenter innlegget

Nysnø

Posted den desember 8, 2008 av fjellutsikter
Regn frå seint i går, dette gjekk over til snø i natt. Snøvêret heldt fram ut over morgonen. Sidan har det vore skya og opplett. Ei varmegrad.
Posta under Vêr | Kommenter innlegget

Fin veke

Posted den desember 8, 2008 av fjellutsikter
Fint vêr i føregåande veke. I Nordre Vartdal var det berre markar, ned til fem kuldegrader, og opplett heile veka. Lettskya og til dels klart vêr. Berre skyer høgt oppe.
Posta under Uncategorized | Kommenter innlegget