Space of Ottar

27 mm regn på eit døgn. Det meste har kome i natt. +4 grader om morgonen, +5 i går ettermiddag. Det er overskya, lett bris frå sørvest eller sør, og lett regn.

Lett bris i dag tidleg, delvis skya, 1 mm nedbør siste døgnet. Kanskje ei eller to regnbyer ut på natta. I dag har det vore sørvestleg eller vestleg bris med regnbyer. Snøen har på nytt lagt seg ned i fjella. For det meste skya.

4 mm regn til i dag. Mildt, særleg no i kveld, med +14 grader og kuling frå sør eller søraust. Det sterkaste her har blese denne hausten. Turt, av og til litt regn, men vinden turkar det opp frå marka att. Overskya, før i dag skya eller overskya, sørvestleg drag i skyene.

+3 grader om morgonen. 11 mm regn siste døgnet. I dag har det vore vestavêr med byeskyer og blå himmel i mellom. Spreidde byer og lange perioder med opplett. Gradvis minkande byeaktivitet. Det kom meir nedbør i natt enn det har gjort i dag. Snøen har lagt seg ned til 500 moh. Nærare kysten var det torevêr i natt. Flau vind i ettermiddag.

Lågtrykka dominerer vêret no. I går regna det stritt midt på dag, men ikkje lenge. Det kom 8 mm til i dag. Lengre sørvest har det regna mykje meir. Ørskog ligg litt i le for regnet frå denne vindretninga.

Det er +6 grader no på ettermiddagen, og lett bris frå sørvest. Det er overskya, før på dag har det vore mest skya, med ei bleik sol i stunder.

Det er ein ruskut haustdag. Her i bygda har det blese frå sørvest, kanskje opp i liten kuling. Då bles det mykje meir på utsette stader. Svinøya er ein slik stad. Med sjø rundt har det ikkje kome endringar til som påverkar vinden lokalt. Målingar for oktober siste femti åra viser at av desse var det minst vind dei første ti åra (1958-1967), og dei ti siste (1998-2007). I mellomtida var det oftare sterk vind denne tida om hausten. Temperaturmålingane viser ein motsett kurve, med høgast temperatur dei ti siste og dei ti første åra, og kjøligare oktobermånader i åra mellom. Dette tyder på at det bles meir om hausten er kjølig. Ein slik konklusjon er litt enkel. Inne på land gir lite vind ofte låge temperaturar nær marka, spesielt når det er lite skyer. Over sjøen er det annleis.

Milde haustar tyder kanskje at hauststormane kjem seinare. Dei åra det var kalde vintrar kom kanskje kulden frå Arktis allereie om hausten og skjerpå temperaturmotsetnadane. Ein periode på 1970/80-talet utmerker seg. Om vinteren kom høgtrykket i aust og pressa lågtrykka sørover og ga sume tider roleg vintervêr på våre kanter. Det hende oftare då enn no at stormane kom om hausten i staden for om vinteren.

1 mm regn siste døgn. Det kom i går morgon. Tidleg på morgonen i dag var det 13 grader, og det heldt seg mildt fram mot middag. Det har blese frisk bris frå sørvest. Tidleg i dag var det skya, sidan har det skya over og kome litt regn av og til, striregn og 10 grader frå etter middag.

Regnbyer frå i går kveld til før middag i dag. 11 mm. +5 grader om morgonen. Overskya. Opp til +9 seinare. Nysnø til 700 moh. Svak vind, seinare lett bris. Om ettermiddagen ei stund delvis skya og sol. Berre bukleskyer. Før solnedgang har det skya til med slørskyer og tjukkare skyer i høgt på himmelen i sør, og litt bukleskyer under. Ein opptrekkssituasjon. Bukleskyene dreg frå sørvest og dei høge skyene sakte frå vest.

1 mm etter regnet i går. I dag var det lenge turt, med skya vêr, ikkje skodde ned på fjella, og sørleg eller søraustleg bris. Det tjukna litt etter kvart, lengre vest regna det litt av og til. Oppe på Geitnibba (854 moh.) bles det liten kuling frå sør-sørvest. Etter kvart kom regnet til Ørskog også, og i kveld har det regna av og til, men lite så langt.

1 mm regn til i dag. For det meste skya, +8 grader, nysnø over 800 moh, svak vind.

 

I går var det fint med delvis skya eller skya, bukleskyer, noko sol, svak vind, turt. Nokre mil i sørvest kom det nokre få regnbyer.