Regn- og haglbyer

Posted den september 28, 2009 av fjellutsikter
+4 grader, opplett mellom spreidde regnbyer, skya, haugskyer og byeskyer drivande vestfrå, skodde over 900 m.o.h. Lett bris. Barometerstanden stabil.
I dag har det vore +6 på det meste. Og ned til +2 1/2, men her kan regnet ha påverka temperaturmålinga. Før i dag var det intense regn- og haglbyer og stort sett overskya, sidan har det vore gløtt av sol og lengre mellom byene. Det har snøa i fjella ned til 400-500 m.o.h. Denne snøen har kome i dag.
Posta under Vêr | Kommenter innlegget

Vind og regn

Posted den september 28, 2009 av fjellutsikter
+ 6 grader, har vore ned i +5. Mørkt, vått, regnvêr og bris. Minkande lufttrykk.
Posta under Vêr | Kommenter innlegget

Kjøligare

Posted den september 27, 2009 av fjellutsikter
+7 grader, skya eller overskya, spreidde regnbyer.
Frå før kl. 7 fram til etter kl. 11 regna det 28 mm. Så letta det med skya vêr og litt sol. Seinare spreidde byer og 1 mm regn. Det har vore opp i +11 1/2 grad i dag. Vinden har på det sterkaste vore laber bris her. Frå vest eller sørvest. Lufttrykket har vore stigande, men ser ut til å vere på veg no.
Posta under Vêr | Kommenter innlegget

Striregn

Posted den september 27, 2009 av fjellutsikter
+9 1/2 grad. Overskya, vest-sørvestleg, skodde over 500-600 m.o.h. Lett til laber bris. I dag striregnar det. Det kom 1 mm regn til i går morgon, og 5 mm til denne morgonen før kl. 7. På litt over tre timar regna det så 21 mm til kl. 10. Barometerstanden har minka og no flata ut.
Posta under Vêr | Kommenter innlegget

Svaler

Posted den september 26, 2009 av fjellutsikter
Såg låvesvaler i dag. Minst seks fuglar. Dei flaug omkring over eit område på nokre hundre meter i tverrmål. Ser ut som dei held seg til meir bebygde strok no. I går såg eg ikkje svaler. Tidleg i veka såg eg nokre. Det er få att av dei no.
Har ikkje sett erler siste dagane. Få av desse også.
Posta under Fugler | Kommenter innlegget

Vått

Posted den september 26, 2009 av fjellutsikter
+12 1/2 grad, regn og yr, til tider skoddeskyer langt ned. Fjell av og til synlege, men ikkje dei høge. Sørvest lett bris.
Posta under Vêr | Kommenter innlegget

Våte dagar

Posted den september 25, 2009 av fjellutsikter
I dag har det vore nesten opp til +16 grader. +15 no i ettermiddag. Opplett sidan i natt. Sidan søndag morgon har det regna 58 mm. Vått i går, vått på onsdag og vått på tysdag. No er det skya, bukleskyer som dekker det meste av himmelen og tek ned på sume toppar dreg frå sørvest, og over desse dreg rukleskyer frå vest. Ser ut som det kjem eit nytt lågtrykk med regn. Lett eller laber bris no.
Posta under Vêr | Kommenter innlegget

Om regnvêr i september III

Posted den september 21, 2009 av fjellutsikter
Har sett på statistikkane for septembervêret på Sunnmøre gjennom meir enn femti år. September brukar vere ein våt månad, og også i slutten av september har det vore store døgnnedbørmengder sume år. Her er sju situasjonar som skil seg ut med ekstra mykje nedbør.
28.-29. september 1963: Ørsta fekk 62,5 +75,5 mm på to døgn. Observasjonane på Svinøya viste liten kuling mellom vest og nordvest første døgnet. Det neste døgnet var vinden stabilt vestleg med same styrke. Dette var lenge før der kom nedbørrapportar frå Overøye, som utan tvil fekk mykje nedbør desse døgna.
25. september 1969: Vigra fekk 62 mm. På Svinøya var vinden for det meste sørvestleg, sør-sørvestleg i starten, styrke liten kuling.
30. september 1969: Linge fekk knapt 70 mm. Det føregåande døgnet dreia vinden mykje, men nedbøren ser ut til å ha kome medan vinden var nordvestleg eller vest-nordvestleg. Styrken truleg liten kuling.
22. september 1986: Overøye fekk 71 mm. Vinden, omkring sterk kuling, dreia frå vest-sørvest til nordvest det føregåande døgnet.
28. september 1994: Overøye fekk knapt 90 mm, og Grønning nesten like mykje. Den stive kulingen på kysten har vore vest-nordvestleg, og til slutt dreia vestleg.
29. september 2002: Mest nedbør omkring midtre strok. Den stive kulingen har vore sørvestleg og til slutt dreia vestleg. Sæbø fekk 72 mm.
26. september 2003: Mest nedbør i ytre og midtre strok. Vinden på Svinøya mellom sørvestleg og nordvestleg, i middel frisk bris. Sæbø fekk 85 mm. Stor spreiing på vindretningar og moderat vindstyrke gjorde at nedbøren kom langt ute.
Posta under Klima | Kommenter innlegget

Spreidde regnbyer

Posted den september 20, 2009 av fjellutsikter
+10 grader, som også er det lågaste temperaturen har vore i natt. Barometeret går litt ned. Har kome litt mindre enn 1 mm regn i natt. Delvis skya, fem åttedels (okta) skydekke. Haugskyer som ligg meir utover enn dei tårnar seg opp. Dei driv frå sørvest og ligg høgare enn fjelltoppane, som no alle er synlege. Det var dei ikkje før på morgonen. Over dei låge skyene er det mest rein blå himmel, men no har det dukka opp litt rukle- og fjørskyer. Desse driv frå vest.
Posta under Vêr | Kommenter innlegget

Strålande dag

Posted den september 19, 2009 av fjellutsikter
+11 1/2 grad. Minkande lufttrykk. Svak vind. Lettskya. Haugskyer og bukleskyer drivande frå sør. Dekker to åttedeler av himmelen. Mest i sørvest. Ser ut til å tjukne til. Men tiltjukning med berre låge skyer brukar ikkje å gi verste vêret. Fjella stort sett synlege. Lite av skodde som tek bort i fjella.
Opp i over +16 grader i dag. Lettskya og sol i mange timar.
Posta under Vêr | Kommenter innlegget