Space of Ottar

-1 grad. Ned til -1 1/2. I går var det opp til +4 1/2. Framleis lettskya med nokre få skyer høgt oppe. Rolege vindtilhøve. Minkande barometer.

+0 1/2 grad. Ned til 0. Stilt. Stigande lufttrykk. Klart.

+4 1/2 grad. Har vore ned til +2 1/2 siste døgnet, truleg i natt. Morgontemperatur +5. Fint og stjerneklart då, månen minkande og litt meir enn halv.

No er det aust svak vind, lettskya med fjørskyer på ein åttedel av himmelen. Bortimot klart altså. Lufttrykket er stigande.

+10 1/2 grad. Skya, med bukleskyer eller haugskyer på nesten halve himmelen. Desse ligg godt over fjella og driv sørfrå. Elles ein god del fjørskyer. Ser ut til at dei flyttar seg lite. Ein del sol i dag. Søraust svak vind. Lufttrykket endrar seg lite. Turt. Opp til +11. Ned til -2 1/2 siste natt. Natta var truleg delvis skya. Morgontemperatur +1.

Lettskya eller borimot klart i dag og i kveld. Nokre timar med solskin. -3 grader om morgonen, som var lågaste temperaturen siste døgnet. Opp til +2 1/2 i dag, og -1 i kveld. Aust eller søraust lett bris, seinare svak vind. Lufttrykket har byrja å minke.

Var på det lave (620 m.o.h.) Skurfjellet i ettermiddag. Sør laber til frisk bris på toppen. Temperaturen null eller såvidt under null. Kaldt, men stort sett var det lunt og lite vind i marka nedafor toppen. Såg ei rype, og litt småfuglar nede i skogen. Snøflekkane var harde, gode å gå på der det var flatt, skumle i skråningane. Blankis på små parti som har vore våte. Myrane faste av frost. Elva litt vanskeleg å passere, sjølv om ho var lita. Is på steinane i vassflata.

God utsikt, særleg mot sørvest, ei rad med fjelltoppar, m.a. Smørskredtinden, Brekketinden, Dalmannshornet, Brunstadhornet, Vellesæterhornet, Regndalstindane, Blåbretindane og Ramoen/Jønshornet. Ser litt av havet vest for Gamlemsveten.

+2 1/2 grad. Opp til +4 1/2 i dag. Lufttrykket har stabilisert seg. Aust lett bris som det har vore i dag. Lettskya med ein god del mellomhøge eller låge skyer (men høgt over fjella). Før i dag lettskya med stort sett fjørskyer, og sol dei timane sola har nått til.

+1 grad, som er det kaldaste siste døgnet. Lettskya, ein åttedels skydekke av tynne skyer. (Skymengd skal reknast i åttedeler fordi ein ser på himmelen og halverer denne tre gongar når ein prøvar å gi anslag). Det var lettskya med ein del tynne skyer i går kveld også. Vinden no er aust lett bris. Lufttrykket er stigande.