Space of Ottar

Storbotnshornet med den karakteristiske todelte toppen ligg aust for Sandfjellet.

Ser utover mot vest. Det lave fjellet som teiknar horisont mot Storfjorden er Hallvardfjellet. Til høgre viser busetnaden i Vaksvika, Skarbøen og Ørskog som lysegrøne flekkar. Langt ute stikk Godøya opp heilt til venstre, vidare mot høgre ligg Gamlemsveten, Storfjellet og Blåskjerdingen. Heilt til høgre og ikkje så langt ute ligg Høgsvora.

Ser ned på Grytavatnet med Lauparlægda bakom i midten, og Lauperen og Brurefølgjet til høgre. Kvitnykja litt til venstre. Lengre bak til venstre ligg Næremstindane, og bakom dei ligg Brustinden, Ytstetinden og Remmemstinden på ei rad. Bakom ligg Romsdalsfjorden, og langt borte fjella mellom Molde, Fræna, Eide og Gjemnes.

Ser ned på Grytavatnet t.v. og Isvatnet t.h. Grytavasstinden rett bakafor. Heilt til høgre Storbotnshornet, og t.v. litt av Lauparen med Brurefølgjet. Namn på fjella i bakgrunnen er f.v. Sandfjellet, Storbuen, Trollvasstinden, Skjervan, Lissjevasstinden og Nonstinden. Deretter Ørastolen som ligg nærare. T.h. for denne nokre fjell innafor Innfjorddalen. Trur det er Hesten, Sjøboltinden og Grønfonnfjellet. T.v. for desse og enda lengre borte nokre fjell aust for Berdalen.

Høgaste Sandegga er kvit av nysnø etter nedbøren.

Ser bort på Heimste Skorkja midt i bildet. I Stordalen vert fjellpartiet i midten og til venstre kalla Sandegga. I bakgrunnen til venstre ligg m.a. Kvitegga, Skruven, Leirvasshornet, Smørskredtindane og Risenosa. Til høgre i bakgrunnen ligg Regndalstindane med Råna, Hjelledalstinden, Blåbretindane og Skophornet, og enda lengre borte Skårasalen, Saudehornet, Romedalstinden, Ramoen/Jønshornet og Ramotinden.

Rada av fjell er: Dalmannshornet, Brekketinden, Brunstadhornet, Slogen, Risenosa, Jakta, Vellesæterhornet, Urdfjellet, Hammarsettindane, Regndalstindane, Hjelledalstinden og Blåbretindane.

Ser bort på Auskjeret til høgre i bildet. Til venstre fjella mellom Storfjorden og Romsdalsfjorden. Heilt til høgre ligg Illstigfjellet, Pyttegga og Høgstolen langt inne. På Høgstolen er der skodde.