Space of Ottar

Nordausten blæs lett forbi, og det har klarna. I dette kvite landskapet er det mykje fuglesong å høyre, også frå flyttfuglar. Og vipa kom hit dagen etter.

Gjekk i gode preparerte løyper til Grytalia, derifrå godt føre i laussnø som bar bra. Oppover mot Blåfjellet var snøen laus og tung å gå i på smale ski, og her, eit stykke lågare enn toppen, snudde eg. Stilt i vêret til eg kom hit opp. Flau eller svak sørleg vind her. Lett overskya og eit lett snøvêr i fjella. Utsikta her er vestover mot Vaksvika. Grytalia kan sjåast nærast under fjellet. Det er vinterleg i fjella, men nede ved sjøen var første linerla koma i går.

Stoppar ved riksvegen og zoomar litt for å kome inn på motivet nedanfor vegen. Vestreelva har bra med vatn i dag som det er snøsmelting.

Delvis berrt på Vêrahornet, og det er tidleg. Svak vind som bles opp solsida. Turen hit gjekk gjennom litt snø, men mest var det berrt. Lite vindfallen skog ved løypa, og greit å gå. Ser bort på Giskemonibba og Snaufjellet. Høgsvora bakafor mellom dei.

Ser vest gjennom Vartdalsfjorden. Bygda Vartdal nærast.

Ser ut mot Hjørneset og Sula. Morgonen er grå med skoddedottar. Her oppe på den utstikkande fjellskuldra Lissje-Sandfjellet er vinden lett bris frå søraust. Retninga er eit godt teikn, og nokre timar etter letta det og sola skein mykje av dagen.