Space of Ottar

Utsyn mot sørvest. Heimste og Fremste Skorkja nærast og fjella i Stranda og Sykkylven lengre borte. Vinden kjem frå sør eller kanskje sørvest, truleg lett bris her og litt sterkare på dei utsette ryggane. Brukar eit lite termometer til å måle +11 grader kl 8.30. Det er høg temperatur til å vere om morgonen til fjells og med mykje snø i omgjevnadane.

Nedattur med indre del av Syvdsfjorden i bildet.

Ein «haustleg» maiførmiddag med sørleg liten kuling oppå Halvardsfjellet. Lengre sør er det nedbør, men frålandsvinden gjer at det er opplett her og utover mot kysten. Ser mot nordvest i bildet. Vêrsituasjonen i augneblinken er at ein varmfront gir nedbør lengre sør der fjella ikkje gir le, men heller heving av lufta. Litt seinare denne dagen sprakk skydekket litegrann, og temperaturen vart bra.

Ser vestover frå Grønnykjen/Grynykjen. Ein kjølig kveld med nordvest svak vind her oppe. Turen opp gjekk for det meste på berr mark, nokre små snøparti å passere på slutten.

Ein kald morgon på toppen. Frisk bris frå sør-sørvest, kring null grader. Snøpartia er harde og faste å gå på. Ser over fjorden mot Storfjellet som ligg i solskin i augneblinken.

Ein kald og fin kveld på toppen. Vinden er nord-nordaustleg frisk bris, og temperaturen kring eller litt over null. Ser mot Høgsvora til høgre og Snaufjellet til venstre. I motsett retning er det noko gråare i skydekket.

Ved gamlevegen innafor Viset tek skogen og «villmarka» terrenget tilbake. Om morgonen er her skugge, på hi sida av fjorden skin sola.

Frå Valle opnar utsynet seg mot rada av fjell med Høgsvora til venstre og Heimste Skorkja til høgre. Storfjorden går innover til høgre og Ørskogvika litt til venstre. Fjella står kvite etter snøvêret i går.