Author Archives: fjellutsikter

Bris frå sør, lett regnvêr, mildt nok til at det regnar opp i toppane. Heller dårleg skiføre. Ser bort i Åvasstinden og Fossholtinden, med Middagshornet (Nøre-Vartdal-M.) nærare til høgre.

Vindstilt og lettskya med ei bleikt solskin. Godt skiføre her oppe i høgda og langt nedover. Ned mot låglandet var føret hardt, og vanskeleg med styringa. Ser ned mot Barstadvika, med Romestrandhornet til høgre. Fjella i bakgrunnen er m.a. Gamlemsveten … Les meir →

I Barstaddalen. Ramoen midt i bakgrunnen.

11.februar: Litt aust om Klovevatnet. Middagshornet midt i bildet. Barstadskaret til høgre for dette, og Kolåstinden bakom der. Romedalstinden sovidt synleg til høgre for Middagshornet. Molladalen til venstre i bildet. Denne dagen var det vindstilt på Barstadskaret. Skiføret ganske bra.

Ved Klovevatnet. Ser bort i Masdalkloven frå baksida.

Rundar Blåfjellet og ser utover mot Storfjorden.

Gått forbi Heivatna. Bris frå søraust og litt regn i lufta. Snøen bar dårleg. Sakk litt ned. Kvitnykja midt i bildet.

Nysnø og nypreparerte løyper. Lett bris eller svak vind frå sørvest. Fjellryggane er noko snaue og avblesne etter stormen som nyleg var, men siste snøen har falle rolegare. Kvitnykja nesten midt i bildet, Lauparen og Lauparlægda litt til høgre.

Ser vestover. Vaksvika litegrann til venstre, Storåsen i midten, Søvika rett bakom Storåsen. Grønnykjen til høgre.

24. januar 2016: Komen opp på ein høgderygg. Sør laber bris og plussgrader. Rolegare vindtilhøve før på dag og lengre nede. Tung laussnø å trakke i på vegen hit. Høyrde drønn i snøen rett som det var. Altså skredfare i … Les meir →