Space of Ottar

25. november 2018: Komen opp på Sætrefjellet. Termometeret viste ni kuldegrader, men med vindstilt og solskin var det godt å site her. Høgsvora til høgre, Geitnibba midt i bildet, og langt borte ligg Brustinden og Ytstetinden.

Det var nokså komfortabelt å site her oppe godt kledd, når ein ser på at minus ni grader er ganske kaldt. Ni kuldegrader er førtiseks grader under kroppstemperatur. Utrekning syner at lufttrykket har vore om lag 91 % av trykket ved havnivå. Mindre luft gir mindre varmetap ved leiing og strøyming. Reknestykket vert: (- 46) x (91 %) = – 42. Førtito grader under kroppstemperatur finn ein ved – 5 grader. Konklusjonen er at – 9 grader i litt over 700 moh tilsvarar – 5 grader nede ved havnivå. Det gir ei forståing av at det ikkje kjendest spesielt kaldt her oppe.

Men det er også anna som kan tenkast å influere på komforten. Langbylgja varmestråling, sjølv om denne neppe tyder stort. Solstrålinga er litt sterkare her oppe, spesielt når sola står lågt.

I glissen furuskog i nærleiken av Grønnykjen.

Komen ned i skodda att. Visne strå står drypande  våte.

18. november: Lite vinterleg, men i det minste er der frost i mosen. Middagshornet i Nordre Vartdal til høgre.

Var komen oppom skodda her, men skodda steig så fort at eg var under skoddekanten då bildet vart knipsa. Ser bort mot Trongegga.

Her og der ser ein kvar sommaren si blomsterprakt er å finne. Gulsildreblada held seg vintergrøne. Gjekk gjennom skodda her, og hadde enno eit stykke å gå for å kome oppom.

OLYMPUS DIGITAL CAMERA

På tur nedover att. Ser mot Kvitnykja med Litlebottsrøra utafor bildet til venstre.

OLYMPUS DIGITAL CAMERA

Leitar opp litt farge. Ein rustfarga lav i steinura.

Ser ned i Kjersemdalen med Høgsvora og Næremstindan på andre sida av dalen. Granskogen viser svært markert her.

Ser frå Litlebottsrøra opp mot Kvitnykja.