Fuglesong

Posted den mai 12, 2009 av fjellutsikter
Arbeidde inne i dalen i dag. Staden ligg 200 moh. Der er skog, ei blanding av bjørk og furu, og nokså våtlendt. Minst seks fugleslag sang på føremiddagen. Måltrast, raudvengetrast, raudstrupe, bokfink, trepiplerke og lauvsongar.
Inntrykket er at lauvsongaren har gått sterkt tilbake i tal. No er truleg dei fleste individa av denne arten komne. Før brukte lauvsongaren å dominere fuglesongen i slutten av mai og i juni. Enno er det tidleg, men våren er tidleg i år.
Posta under Fugler | Kommenter innlegget

Regn

Posted den mai 12, 2009 av fjellutsikter
20 mm regn siste døgnet. +5 1/2 grad no, og regn. Vestleg, overskya, flau vind, sume skoddedottar lavt nede, til 150 moh, elles er fjella synlege under 700 moh.
Posta under Vêr | Kommenter innlegget

Kjølig

Posted den mai 11, 2009 av fjellutsikter
+3 grader, ned til +1 i natt. Overskya, vestleg, svak vind, spreidde byer, for det meste som regn, men også hagl. 5 mm nedbør siste døgnet.
Posta under Vêr | Kommenter innlegget

Regnbyer

Posted den mai 10, 2009 av fjellutsikter
Sju grader, regnbyer, svak vind, overskya, vestleg. Tre millimeter regn siste to døgna til siste morgon. I går og dagen før sørvestleg skydrag og sørvestleg eller sørleg frisk bris til tider. For det meste skya siste to døgna.
Posta under Vêr | Kommenter innlegget

Vind

Posted den mai 8, 2009 av fjellutsikter
+8 grader, delvis skya, spreidde regnbyer, svak vind. 4 mm regn frå i går morgon til siste morgon. Turt i natt. Frisk bris frå søraust i går kveld. I dag også til tider frisk bris frå søraust, laber bris om morgonen. Då var det nesten overskya, på føremiddagen skya eller delvis skya og turt.
Posta under Vêr | Kommenter innlegget

Regnbyer

Posted den mai 7, 2009 av fjellutsikter
+5 grader i ei regnbye no midt på dag. Det sprutar skikkeleg ned, til no har det vore berre småregn i byene. Vestleg laber bris. Før i dag skya eller overskya.
Posta under Vêr | Kommenter innlegget

Sørvest og byer

Posted den mai 6, 2009 av fjellutsikter
+6 1/2 grad no i kveld. Svak vind, skya opplett, dei låge skyene kjem sørfrå, høgare oppe frå sørvest. Spreidt regn i dag, men berre før i kveld var det nok til å bløyte asfalten. Elles turt. Nokre tidels millimeter sidan i går kveld. Var på Vartdalsstranda i dag. Der var det regnbyer og vått, og kvitt av nysnø ned til tregrensa. Her i Ørskog tek fjella i Sykkylven og lengre borte av for regnet. Kvitt av nysnø over 900 moh., men ikkje mykje.
Posta under Vêr | Kommenter innlegget

Slutt på turrvêret

Posted den mai 5, 2009 av fjellutsikter
Siste dagane har det kome 11 mm regn. I fjella har det kome nysnø. Normalt denne tida. Temperaturen no i ettermiddag er +6 medan ei regnbye passerer. For det meste bris eller svak vind. Det har vore litt sol i dag, og for det meste skya. Det varme turre vêret varde til laurdag.
Posta under Vêr | Kommenter innlegget

Mild morgon

Posted den april 30, 2009 av fjellutsikter
I dag var det +12 før sola kom opp. Lettskya, både høge og lågare skyer, austleg drag, svak vind.
I går var heile dagen stort sett klar, med samanhengande solskin. Varmt, om ettermiddagen +18 (ikkje maksimumstemperatur), og svak vind eller lett bris. Seint om kvelden skya det til frå sør.
Posta under Vêr | Kommenter innlegget

Klart

Posted den april 29, 2009 av fjellutsikter
I går kom det nokre tidels mm regn før det letta tidleg om morgonen. Så var det overskya fram mot middag, sidan delvis skya med middelsstore og t.d. store haugskyer som ga nokre få dropar. God temperatur. Om kvelden klarna det, berre nokre små skyer att.
I dag er det klart etter ei klar natt. I sørvest litt bleik på himmelen. +5 no, ned til +3 1/2 grad i natt. Flau vind.
Posta under Vêr | Kommenter innlegget