Space of Ottar

7. april 2013: Gjekk forbi dei godt preparerte langrennsløypene og fram i laussnøen framom Grytalisætra. Tungt å gå i laussnøen. Snudde her. Sola hadde varma opp løypa slik at der var klabbeføre. Måtte lage ny løype og gå ut i laussnøen også på nedatturen.
Fin dag med mykje sol og stilt i vêret. Ser Skurfjellet bakom furua.

1. april 2013: Siste stykket opp i skaret. Stilt vêr, og berre ein flau vind oppe i skaret. Sol og klart i denne retninga, men mykje skyer i andre retningar. Godt skiføre. Ser Geitnibba til høgre og Steingardstinden til venstre. Høgsvora er det kvitaste partielt i mellom.

Ser Lauparen til høgre, og Brudefølgjet midt i bildet. Ein fin førmiddag med sol og stilt. Gjekk forbi Grytalisætra på vegen hit, og same turen tilbake. Skiføret godt, med særs god glid og mange skiløyper i terrenget. Skaresnøen noko krevjande og vanskeleg i øvre delen.

Var på Blåfjellet palmesøndag. Sol og klart, stilt og fire kuldegrader. Ser vestover mot Storfjorden. Nedrennet var ikkje særleg godt, med ein isglasur på snøen fleire stader i øvre del, og foksnø litt lengre nede. Betre skiføre nede i dalen, med pulversnø som har halde seg i kulden.

Kaldt i dag, men sola byrjar å mildne lufta. Eit skispor å gå i, og her på slutten ei skuterløype. Klar til å snu attende. Ser vestover.

Renner ned att til Vaksvikfjellet. Skiføret er betre her nede med god styresnø. Fjella i himmelsjå er Brudefylgjet, Lauparen, Lauparlægda, Grytavasstinden, Storbotnshornet, og Fremste og Heimste Skorkja.

Komen opp i skaret på overgangen frå Vaksvikfjellet til Ørskogfjellet. Seks kuldegrader og flau vind her no på ettermiddagen. Ser utover. Brustinden og Ytstetinden til høgre.