Space of Ottar

Frå venstre: Kalveskrednipa, Kvitegga, Kårdalstindane med Hornindalsrokken bakom, Rokkekjerringa og Storhornet med Bjørkehornet hitom.

Blåhornet og Stålberghornet nærast. Bakom dette ligg Saksa, og Molaupssåta stikk opp lengre ute. I himmelsjå austom Hjørundfjorden ligg Synnavindsnipa, Hjelledalstinden, Råna, Urkedalstinden og Vellesæterhornet.

Utover Hjørundfjorden med Sæbøbukta i midten og Lekneset litt nærare på denne sida av fjorden. Storhornet (mange fjell heiter det) til venstre. Ute i horisonten ligg Saudehornet, Vassdalstinden, Kjerringa, Mannen, Åvasstinden, Kolåstinden, Romedalstinden, Sætretindane og Ramoen. Romestrandhornet med avrunda form lengre til høgre.

Komen eit lite stykke på nedatturen. Ser ned på inste delen av Hjørundfjorden med Viddal, Leira og Finnes. Kårdalstindane til venstre og Rokkekjerringa og Storhornet i midten og til høgre. Kvitegga heilt i venstre bildekant.

Oppe på toppen ser ein indre delen av Hjørundfjorden bratt under seg. Det var høg temperatur i dag til å vere så høgt oppe. Svak vind på toppen og lett eller laber bris frå sør eit stykke nedom toppen. Vinden bles meir rundt enn over fjellet.

Komen oppom brattaste partiet opnar utsynet seg austover mot Risenosa, Salefjellet, Kvitegga (lengst bak) og Kårdalstindane.