Space of Ottar

Klart, mildt og flau vind. Snøen hard. Vest om Sollisætra. Ser bort i Grønnykjen til høgre.

Bra skitur på skaren på kryss og tvers oppover. Men her oppe er vinden om lag sterk kuling frå sør-søraust. Berre å renne nedover til litt lunare lende.

Etter ein tur til Barstadskaret, der det bles sør laber bris og låg ein god del nysnø. Dette er langt på nedattvegen. Ser ut mot Melshornet på Hareid, med sol på. Til venstre Årskogfjellet.

Stoppar på Hesteryggen. Her er det mindre vind enn oppe på Barstadskaret, der det bles kuling frå sør. Ser Trongegga til høgre og Årskogfjellet i bakgrunnen.

Ser mot Middagshornet, Hallehornet og Romedalstinden. På ettermiddagen er det eit stykke til å gå for å få solskin, men oppe på Barstadskaret var det sol ei stund til etter dette, og fint med berre flau vind frå søraust.

Perioder med kuling, og kortvarige haglbyer. Men som turvêr er dette bra nok i låglandet. Vinden i ryggen på vegen oppover til dals, turr og nesten frosen veg, og glimt av blå himmel. Ser mot eit av fleire fjell som vert kalla Middagshornet.

Endeleg oppe på Barstadskaret. Til sæters var det snøscooterløype og lett å gå, vidare var det tungt med over tretti cm laus snø på skaren. Her oppe er det lett bris frå sør. Ser mot Romedalstinden, Kolåstinden og Høgehornet. Turen ned att vart fin.

Ser opp i Middagshornet. Skaresnø med eit tynt og ujamnt fordelt lag pulversnø oppå. Kaldt og delvis skya, bris frå nord utsette stader nede i dalen, nordaustleg drag i skyene.

Fine skiløyper søndag ettermiddag.

Bris frå sør, og innimellom er det rennefok. Skiføret lengre nede var godt i sporet frå ein snøskuter, men her fyk sporet att. Ser mot Kvitnykja.