Monthly Archives: november 2018

Ser mot søraust, med Kvitnykja til venstre og Lauparen midt i bildet.

Ser ned på det frosne myrlendet på vestsida av Sætrefjellet. Snaufjellet ligg bortafor, og hitom Snaufjellet er der ein dal (Skarbøbotnen), som knapt kan anast på bildet.

25. november 2018: Komen opp på Sætrefjellet. Termometeret viste ni kuldegrader, men med vindstilt og solskin var det godt å site her. Høgsvora til høgre, Geitnibba midt i bildet, og langt borte ligg Brustinden og Ytstetinden. Det var nokså komfortabelt … Les meir →

I glissen furuskog i nærleiken av Grønnykjen.

Komen ned i skodda att. Visne strå står drypande  våte.

18. november: Lite vinterleg, men i det minste er der frost i mosen. Middagshornet i Nordre Vartdal til høgre.

Var komen oppom skodda her, men skodda steig så fort at eg var under skoddekanten då bildet vart knipsa. Ser bort mot Trongegga.

Her og der ser ein kvar sommaren si blomsterprakt er å finne. Gulsildreblada held seg vintergrøne. Gjekk gjennom skodda her, og hadde enno eit stykke å gå for å kome oppom.

På tur nedover att. Ser mot Kvitnykja med Litlebottsrøra utafor bildet til venstre.

Leitar opp litt farge. Ein rustfarga lav i steinura.