Monthly Archives: september 2016

Snart nede på Hesteryggen. Myrgras med haustfargar.

Eit lite jordras har gått i fjellsida mellom Trongegga og Storevatnet. Frå regnvêret for ein og ein halv månad sidan.

Ser bort på Klovetinden og fjellplatået opp for Haugbotnen.

25. september 2016: Oppe på Grøthornet. Liten kuling frå sør. Uvanleg varmt haustvêr gjer turen komfortabel likevel. Hundre meter nede på austryggen er vinden sterkare, minst stiv kuling. Ser mot Ramoen litt til venstre, og Middagshornet til høgre. I bakgrunnen … Les meir →

Det varme haustvêret får greplyngen til å blomstre for andre gong. Det er tidleg på sommaren at denne arten har si rette blomstringstid.

Nedafor Trongegga. Ser mot Romedalen med Kolåstinden i midten.

Komen ned att i Kvanndalen, rett sør for høgaste overgangen til Ørskogfjellet. Steingardstinden tek seg herifrå ut som ei fjellskulder litt til venstre mot himmelsjå, og toppen på Høgsvora som ein liten kul litt til høgre for midten av fjellryggen … Les meir →

24. september 2016: Oppe på Steingardstinden. Vinden er minst liten kuling, frå ei retning litt vest om rett sør, og gjer det hustrigt å vere her. I motsett lei regnar det lett, men vinden held steinane turre heile tida. Ser … Les meir →

Ein triveleg kveld. Lufta er mild, og vinden lett eller laber bris frå sør. Ser utover Storfjorden med Snaufjellet i silhuett til høgre.

Går mot kvelden. Komne ned på Eidsheia att. Herfrå teiknar Indreeidshornet ein spiss mot himmelen.