Monthly Archives: august 2016

7. august 2016: Komen til topps. Ser mot nordvest. Lissjevasstinden til høgre. Trollvasstinden midt i bildet.

På ryggen eit stykke aust for toppen. Ser austover Innfjorddalen. Middagstinden til venstre. Finnan midt i bakgrunnen.

6. august 2016: På motbakkeløp på Saudehornet. Ser austover. Frå nordsida har fjellet vore kalla Tryhorna. Der går dei to toppane på austegga i eitt, og ser ut som ein topp for seg sjølv. Liknande er det med vestryggen. Her … Les meir →

31. juli 2016: Fekk ein våt tur opp frå Dyrkornvatnet, med skodde og regn. Komen opp på toppen slutta regnbya og skodda sprakk. Ser austetter, med litt av Stordalen synleg.

Komen ned att på flate myrlendet. Ser f.h: Heimste Skorkja, Fremste Skorkja og Grytavasstinden. Lissjebotnstinden stikk sovidt fram midt i bildet.

Gulsildre.

30. juli 2016: Gjekk oppå Vikahornet i regn og skodde. No har denne regnbyga drege forbi, og skodda har letta. Nordvestleg vêr med fleire regnbyer denne dagen. Fekk ikkje utsikta der oppe, men ein frisk liten tur.

Zoomar sørover. Skoddeskyene kjem. Litt seinare kjem regnbyga frå andre kanten.

28. juli 2016: Ser mot Åvasstinden og Fossholtinden frå Barstadskaret.

Byrjar nedstiginga. Ser utetter fjorden. Grøtet midt i bakgrunnen. Syltefjellet nærare og litt til høgre.