På toppen av Geitnibba. Måler -12 grader og svak vind (i middel) frå nordaust. Vinden er ujamn, og det er sol, men kaldt her oppe. Litt nede mot Sætrefjellet er det lunare å stoppe for ein matpause. Turen opp gjekk fint. Hardfrose myrlende som det var lengre nede er godt å gå på, men blankisen måtte eg passe meg for. Høgare oppe var det god skare å gå på. Denne var lite glatt, og der det ikkje var for bratt var det godt å gå.

Ser utover mot kysten. Blåskjerdingen stikk sovidt opp over skyene. Nærare til venstre ligg Snaufjellet. I dag var det klart unnateke dei litt lågtliggande skyene på kysten. Og kanskje inne i fjordane.