Var på turlagstur 23. september. Komne opp på Lievarden er der eit fint tilbakesyn mot Stranda og Storfjorden på bilde 1.  Bilde 2 er teke same staden og viser Skrenakken til høgre, Liabygda midt i bildet og Jolgrøhornet til venstre. Oppe i skaret mellom dei to Blåhorna opnar utsynet seg mot Sunnmørsalpane (bilde 3), med Emdalstindane, Skruven, Risenosa, Jakta, Smørskredtindane, Leirvasshornet, Brekketindane, Vellesæterhornet, Brunstadhornet og Råna. På bilde 4 er Vellesæterhornet, Brunstadhornet og Råna med, og vidare Dalmannshornet og Urdfjellet. Heimste Blåhornet til høgre og mykje nærare.