Tur opp Fladalen til Søre Snarhornet. Vått i marka og noko skodde kring fjella, særleg dei høgaste. Elles nesten overskya. Sørleg lett bris på fjelltoppen. Bilde 1 viser Søre Snarhornet med Fladalsvatnet under i framgrunnen, Midttuvdalen til høgre og Søre Sætretinden gøymd i skodda til venstre. Bilde 2 er frå toppen og viser Ramoen/Jønshornet som stikk delvis fram frå skodda. Bilde 3 viser Romedalstinden og Storkopptindane eit stykke borte. Nærare ligg Lissjehornet til venstre og Nøre Snarhornet til høgre. Bilde 4 er også frå toppen, med nedste enden av Fladalen under, og litt av Hjørundfjorden. Geithornet midt i bildet. Sylvkallen/Storhornet til høgre. Bilde 5 er frå Midttuvdalen og Longenestinden/Breitinden ruvar opp i skodda. Bilde 6 gir eit tilbakesyn på Søre Snarhornet sett nede frå kanten av Fladalen opp for Store Standal.