+6 grader, opplett, delvis skya, sørvestleg drag i skyene, lett bris. 6 mm regn sidan i går ettermiddag. Noko kom som byer i tidleg på kvelden i går, og noko har kome i ettermiddag. Lufttrykket er minkande.

Seint i går kveld var det lettskya med måneskin. Ut på natta skya det til, og om morgonen var det lett overskya med ein utydeleg måne som viste gjennom lagskyer. Lett regn av og til frå føremiddagen, men for det meste opplett til ut på ettermiddagen. Etter litt regn er det no opplett att.