+7 grader, ned til +5 1/2 i natt. Opplett i natt, nedbøren siste døgnet vart den halve millimeteren som kom i går. Stilt. Skya, rukle- eller bukleskyer som dreg frå sørvest. Opningar i skydekket i aust, tettare i vest og mykje linseformer i skyene der. Ein opptrekkssituasjon dette. Men barometeret har ikkje gått ned. Fjelltoppane frie for skodde, men til tider dottar lågare nede. Nokre skoddedottar dreiv ut over fjorden i 200 meters høgde, så litt opp i høgda er der svak vind eller lett bris.