+12 1/2 grad i ettermiddag.  Frå i går kveld til i dag om morgonen kom 6 1/2 mm regn. Det skulle tyde noko sånt som 23 mm på eit døgn. Det var opplett i dag morges, og så og seie overskya med ein bakgrunn av slørskyer og ein del bukleskyer under. Så tjukna det til med lagskyer over bukleskyene, som dreiv vestafrå, og ikkje lenge etter regna det smått. Sidan har det regna jamnt men lite saman med ein bris frå søraust. Først ut på ettermiddagen regna det tettare. No om ettermiddagen er det overskya og regn med skodde til dels ned til 400 m.o.h. Men fleire av dei høge toppane er synlege. Barometeret har byrja å gå ned.