Varmt i går. Over +21 kl 8, og over +20 til langt på kveld. På Viset var det oppe i +31. Lettskya og sol stort sett heile dagen i går. Det kom litt skyer torsdag kveld, så natta i går var ikkje heilt klar. Der var litt haugskyer eller rukleskyer frå morgonen av. Nokre små haugskyer ut over dagen, og etter kvart litt fjørskyer i vest.

Siste natt har temperaturen vore ned i +13. No kl 7 er det +17, skya, rukleskyer og fjørskyer. Sola stod opp 6.30, men er knapt synleg. Stilt. Skyene flyttar seg knapt, sakte frå sørvest.