Mykje å sjå og høyre av fuglar denne tida. To låvesvaleungar på grusen i dag, men flaug opp gjorde dei. Nyleg komne ut av reiret. I ein forfallen husvegg høyrdest kjøtmeisungar som snart må vere flygedyktige dei også. På hushjørnet hadde eit grå flugesnapparpar laga reir der hjørneborda var fjerna. Grå flugesnappar er ein av dei trekkfuglane som kjem hit sist.

Elles var både munk, bokfink og lauvsongar flittige med songen sin. Der er nok fleire fuglar som syng, men dette var om føremiddagen.