+2 grader, søraust flau vind, overskya. Eit dekke av lagskyer over himmelen før middag. Seinare skyer i to nivå, det nedste kan vel kallast bukleskyer. Skyene driv frå sør-søraust. Det held nedbøren vekke. I går kveld var der nokre dropar i lufta, men det heldt seg turt. Framleis overskya i ettermiddag. Ute på øyane har der vore nokre små skoddedottar på toppar og utstikkande pyntar, spesielt på Trælbånausa. Dette turre vêret, med varmegrader og nesten stilt er komfortabelt, men grått.