Første delen av august har vore bra fin, med temperaturar stort sett litt over normalen, og sol iblant. Nedbørmengda var lita fram til den 13. Då kom det eit intenst torevêr som ga rikeleg regn sume stader. 46 mm på eit døgn her i Ørskog. Regnet var uvanleg intenst. På ein time kom det 25 mm. Slikt regn førekjem berre om sommaren. Det var varm, ustabil og fuktig luft som vart heva opp av kjøligare luft som kom med eit lågtrykk vestafrå.